Lajme
Organizata Ndërkombëtare e Punës: 50 milionë njerëz në botë bëjnë punë të detyrueshme
Numri i njerëzve që bëjnë punë të detyrueshme, apo që janë të martuar kundër dëshirës së tyre, shkon në gati 50 milionë në vitet e fundit.
Siç njofton Organizata Ndërkombëtare e Punës (ILO), krizat sikurse pandemia COVID-19, konfliktet e armatosura dhe ndryshimet klimatike kanë rritur pengesat në punësim dhe edukim.
Ku sipas raportit të fundit thuhet se është rritur varfëria ekstreme dhe migrimi i detyrueshëm.
Edhe pse Organizata e Kombeve të Bashkuara e ka për synim që të zhdukë të gjitha format e skllavërisë moderne deri më 2030, mirëpo numri i njerëzve që u nënshtrohen këtyre abuzimeve është rritur për 10 milionë në periudhën 2016-2021.
Sipas studimit, deri në fund të vitit të kaluar, 28 milionë njerëz kanë bërë punë të detyrueshme, derisa 22 milionë janë detyruar të jetojnë në martesa të padëshiruara. Kjo nënkupton se gati një në çdo 150 njerëz në botë preket nga format moderne të skllavërisë.
“Është shokuese që situata e skllavërisë moderne nuk është duke u përmirësuar. Asgjë nuk mund të arsyetojë abuzimin e tillë të së drejtës themelore të njeriut”, ka thënë Guy Ryder, udhëheqës i ILO-s.
Po ashtu, në raport është vënë theksi te situata në Kinë. Shumë agjenci të OKB-së kanë paralajmëruar për mundësinë e punës së detyrueshme në këtë vend, sidomos në rajonin e Ksinjiangut, ku Pekini akuzohet për ndalim të mbi një milion ujgurëve dhe minoriteteve të tjera myslimane.
Shumë organizata ndërkombëtare për të drejta të njeriut e konsiderojnë trajtimin që u bën Kina ujgurëve si “gjenocid”. /Telegrafi
E-Diaspora
-
9-vjeçarja Moda Ademi performoi në koncertin Rock Pop Jazz Night Para një pjesëmarrje të madhe të publikut, 9-vjeçarja shqiptare, Moda Ademi, performoi në koncertin Rock Pop...
-
Prof. Dr. Schader: Pa përpjekjet e duhura, shqipja në Zvicër rrezikon të shuhet pas dy brezave
-
Shqipja në Zvicër, pak histori dhe disa probleme aktuale
-
Artistja shqiptare, pjesë e filmit hollivudian, flet shqip
-
Vjenë
Suedi: Ekipi “kikiriki” nga Vjena fitoi vendin e parë në konkursin “Kuizi i Diturisë”
Jeta në Austri
-
80 vjedhje, 560 mijë euro dëm: Arrestohen katër shqiptarë në Austri Sipas policisë, në shumicën e vjedhjeve të banesave, viktimat kanë qenë të pranishëm dhe në gjumë...
-
Austri: Ministri i Brendshëm kërkon dëbimin në Kosovë të kriminelëve nga vendet e treta
-
Vjenë
Suedi: Ekipi “kikiriki” nga Vjena fitoi vendin e parë në konkursin “Kuizi i Diturisë”
-
Çfarë është e hapur dhe çfarë është e mbyllur në “Ditën e Ngjitjes” në Austri?
-
Përmbledhje e lajmeve më të fundit për sot në Austri