Lajme
Studim: Ajri i ndotur shkakton kancer te joduhanpirësit
Ajri i ndotur shkakton kancer të mushkërive te joduhanpirësit, sipas një studimi shkencor të publikuar këtë javë, raportoi BBC.
Shkencëtarët kanë njoftuar se kanë identifikuar mekanizmin, përmes të cilit ndotja e ajrit shkakton kancerin e mushkërive te joduhanpirësit.
Hulumtimi u prezantua nga Charles Swanton nga Instituti britanik “Francis Crick” në konferencën vjetore të Shoqatës Evropiane për Onkologjinë Mjekësore në Paris, e cila ende nuk është botuar në një revistë të vlerësuar nga kolegët.
Hulumtimet kanë ilustruar rrezikun për shëndetin e shkaktuar nga grimcat e vogla të prodhuara nga djegia e lëndëve djegëse fosile.
Hulumtimet e mëparshme kanë treguar se mutacionet e ADN-së mund të jenë të pranishme pa shkaktuar kancer dhe se shumica e substancave kancerogjene nga mjedisi nuk shkaktojnë mutacione, dhe të fundit e kanë lidhur drejtpërdrejt ndotjen e ajrit me shfaqjen e kancerit te joduhanpirësit, theksoi Swanton.
Një ekip hulumtues nga Instituti Francis Crick dhe University College London analizoi të dhënat shëndetësore të më shumë se 460 mijë njerëzve në Angli, Korenë e Jugut dhe Tajvan dhe zbuloi se ekspozimi ndaj grimcave të imëta të ndotjes, me diametër më të vogël se 2.5 mikron, çoi në një rrezik në rritje nga mutacione në gjenin EGFR, i cili lidhet me kancerin e mushkërive.
Pothuajse 250 mostra të indeve të mushkërive njerëzore, të cilat kurrë nuk ishin ekspozuar ndaj kancerogjenëve nga pirja e duhanit ose ndotja e rëndë, u analizuan dhe u zbuluan mutacione të ADN-së në gjenet që lidhen me kancerin e mushkërive.
E-Diaspora
-
Dënohet kosovari: Ka sjellë ilaçe ilegale për ndërprerjen e shtatzënisë së gruas së tij U ishte thënë se do të duhej të paguanin 800 franga për të realizuar një termin,...
-
Pianistja shqiptare mban koncert recital në Washington DC
-
Iu keqësua gjendja shëndetësore gjatë fluturimit Zvicër – Kosovë, vdes gruaja kosovare
-
Shqiptari plagos rëndë shqiptarin në Belgjikë
-
Duesseldorf
Welt: Shqiptari dyshohet se vrau pronarin e lokalit në Gjermani shkaku i borxheve të bixhozit
Jeta në Austri
-
A do të zhvendoset nga burgu austriaku Fritzl që u dënua me burgim të përjetshëm për dhunimin e të bijës? Josef Frizl, i cili u dënua me burgim të përjetshëm pas rastit të incestit në Amstetten...
-
Austri: Përmbledhje e lajmeve të fundit të ditës së sotme
-
Gjithçka që ndryshon në Austri nga muaji maj
-
Katër liqene të bukura, tek të cilat mund të shkoni lehtësisht nga Vjena me transport publik
-
Sa vite duhet të punoni në Austri që të keni të drejtën e pensionit?