Apple prezanton telefonin e ri iPhone 14

Kompania e madhe teknologjike, Apple, do të prezantojë gjatë ditës së sotme serinë më të re të telefonave iPhone 14.

Është ngjarja e tretë live e kompanisë për këtë vit, dhe presim të shohim mjaft njoftime të mëdha – nga linja e iPhone 14 tek një model i ri Apple Watch “Pro” deri te gjenerata e ardhshme e AirPods Pro – plus një mori gjërash të tjera.

Apple thuhet se do të zbulojë disa modele të reja të Apple Watch në ngjarjen e së mërkurës, duke përfshirë një model Pro të nivelit më të lartë që synon posaçërisht për entuziastët e sportit dhe fitnesit.

Apple thuhet gjithashtu se po planifikon të nxjerrë në treg AirPod Pro të azhurnuar, kufjet e tij me valë të nivelit më të lartë.

Linja AirPods është dëshmuar të jetë një nga sukseset më të mëdha të Apple në vitet e fundit. Apple pritet të shpallë një datë zyrtare të lëshimit për iOS 16, versioni më i fundit i softuerit të tij celular, i cili u zbulua për herë të parë në muajin qershor.

Përditësimi i softuerit do t’i lejojë përdoruesit të personalizojnë ekranet e kyçjes së iPhone, të ngjashëm me Android.

Ai gjithashtu do të shfaqë ndryshime në iMessage, duke përfshirë aftësinë për të modifikuar ose hequr mesazhet dhe për të shënuar mesazhet si të palexuara.

Kompania më parë tha se këto opsione janë ndër veçoritë më të kërkuara nga përdoruesit.

Ngjarja është planifikuar për sonte, do të zhvillohet në Teatrin Steve Jobs dhe quhet Far Out.

Në konferencë pritet të prezantohen katër iPhone të rinj, një “Apple Watch” e re dhe sipas disa njoftimeve një iPad dhe kufje të reja.

Apple po e ndërpret edhe modelin “Mini” iPhone, ndaj këtë vit priten pajisje me ekrane 6.1 dhe 6.7 inç.

Kjo është ngjarja e parë e kompanisë në ambiente të mbyllura që nga fillimi i pandemisë, duke njoftuar promovimin e pajisjeve të reja.

Video:

---