Lajme
BE, në kërkim të strategjive të vaksinimit dhe ndërgjegjësimit
Shpejtësia është çelësi për të mbrojtur qytetarët nga epidemitë e reja të COVID-19 në vjeshtë dhe dimër, prandaj procesi duhet të përshpejtohet.
Përfaqësues të shumtë të industrisë farmaceutike debatuan shpërndarjen e vaksinës së brezit të dytë në Parlamentin Evropian dhe bënë disa paralajmërime.
“Sot kapaciteti i prodhimit të vaksinave anti-COVID ia kalon numrit të dozave që mund të administrohen. Sfida nuk është më furnizimi me vaksina, por kapaciteti për të përhapur fushatat e vaksinimit, kryesisht tek të rriturit dhe të moshuarit”, tha Thomas Triomphe, zv.president ekzekutiv i “Vaccines at Sanofi”.
“Sanofi” është një nga kompanitë që prodhon vaksina të përshtatshme për variantin “Omicron”, që pret aprovimin.
Agjencia Evropiane e Medikamenteve u dha dritën e gjelbër versioneve të reja të “Pfizer/BioNTech” dhe “Moderna” më 1 shtator. Një ditë më vonë, Komisioni Evropian u kërkoi vendeve anëtare të paraqesin strategjitë kombëtare, që duhet të parashikojnë:
– Kombinimin e vaksinimit të COVID-19 me gripin
-Garantimin e kapaciteteve të mjaftueshme logjistike
-Rifillimin e fushatave të ndërgjegjësimit publik
Qendra Evropiane për Kontrollin dhe Parandalimin e Sëmundjeve parashikon se pas një vere të qetë, vende të shumta evropiane mund të regjistrojnë një trend në rritje infektimesh dhe shtrimesh në spitale.
Edhe pse BE është prodhuesi i dytë më i madh i vaksinave, drejtuesit e Komisionit të Posaçëm për COVID-19 janë të shqetësuar për kuotat e ulëta të vaksinimit në disa shtete.
“Mendoj se këshilla më e mirë që mund t’i japim publikut është të mbeten vigjilent, të ruajnë veten, të vaksinohen, sidomos kur je mbi 65 vjeç dhe u përket grupeve më të cenueshme. Do të ishte mirë nëse më shumë njerëz vaksinohen. Sa më shumë ta bëjnë këtë, më e lehtë do të jetë dhe më pak kufizime do të ketë. Por gjithçka varet nga mënyra se si ne i shohim këto rekomandime”, u shpreh Kathleen Van Brempt, eurodeputete belge./Euronews
E-Diaspora
-
Filmi “The Land within”, lufta në Kosovë, e vështruar nga një kënd tjetër Në "Kino Kosova" është shfaqur edhe filmi "The Land within", i regjisorit shqiptaro-zviceran Fisnik Maxville (Maxhuni),...
-
Robin Krasniqi fiton me pikë ndaj portugezit Jorge Silva
-
Sot shfaqet në Cyrih filmi “The Land within”, i regjisorit Fisnik Maxville
-
“Kino Kosova”: Një realitet filmik i shikuar nga perspektiva femërore
-
Krasniqi sonte rikthehet në ring, përballet me boksierin portugez
Jeta në Austri
-
Çfarë më lejohet të bëj në ballkonin tim në Austri? Gjatë muajve të verës, mund të duket se çdo austriak jeton ekskluzivisht në ballkonet e tij...
-
Një përmbledhje e lajmeve më të fundit në Austri
-
A mund të paguani taksat tuaja austriake duke përdorur një llogari bankare të huaj?
-
Pse Austria renditet kaq keq në indeksin për lirinë e shtypit?
-
Nomadët digjitalë: Kush mund të punojë në distancë në Austri?