Ndalohen dy persona për rrëmbim në Prishtinë

Me urdhër të Prokurorisë Themelore në Prishtinë janë ndaluar dy persona lidhur me rastin e zhdukjes së personit me inicialet B.R.

Po ashtu, me rastin e arrestimit të këtyre dy personave janë sekuestruar edhe disa prova materiale, të cilat do të shërbejnë për procedurë të mëtutjeshme penale.

Gjithashtu, kjo prokurori njofton opinionin publik se në këtë çështje penale është duke punuar me seriozitetin maksimal dhe me të gjitha kapacitetet që disponon, si dhe në koordinim të plotë më Policinë e Kosovës.

---