Silvio Berlusconi i rikthehet politikës, kandidon në zgjedhjet e 25 shtatorit

Biznesmeni është shprehur se po e merr këtë vendim për të rikandiduar pas kërkesave të shumta që i kanë bërë qytetarët.

Nëntë vjet pas, Silvio Berlusconi do t’i rikthehet politikës. Ish-kryeministri i Italisë në tri mandate, ka konfirmuar se do të kandidojë në zgjedhjet e ardhshme të 25 shtatorit në Itali.

Biznesmeni është shprehur për radion Rai Italia se po e merr këtë vendim për të rikandiduar pas kërkesave të shumta që i kanë bërë qytetarët.

Partia e qendrës së djathtë Forza Italia, e kryesuar nga Berlusconi, ndihmoi në rrëzimin e kryeministrit Draghi, pasi tërhoqi mbështetjen e saj.

Në vitin 2013 Berlusconi u ndëshkua nga votuesi, ndërsa nuk kandidoi në zgjedhjet e përgjithshme për 6 vjet pas akuzave për mashtrim tatimor.

Partia e Berlusconit bën pjesë në koalicionin e krahut të djathtë, që kryesohet nga vëllezërit post-fashistë të Italisë, në krye me Xhorxhia Meloni.

Berlusconi është shprehur i bindur se partia Forza Italia do të dalë e para dhe për këtë u bëri thirrje votuesve për mbështetje.

Ai është shprehur i bindur se nëse partia e Xhorxhia Melonit merr shumicën e votave dhe ajo bëhet kryeministre, atëherë ajo do të mund t’ia dalë me detyrën e vështirë./Albinfo.ch

---