Lajme
Sot Hekurudha zvicerane feston 175-vjetorin e saj
Për nder të përvjetorit, sot pasdite, treni me avull me këshilltaren federale Simonetta Sommaruga udhëton nga Badeni në Cyrih

9 gushti është një ditë historike për Zvicrën: Në këtë ditë, pikërisht 175 vjet më parë, pra, në vitin 1847 filloi shërbimin e planifikuar, linja e parë hekurudhore e quajtur “Spanisch-Brötli-Bahn” nga Badeni i Kantonit Aargau deri në Cyrih.
Për nder të përvjetorit, sot pasdite treni me avull me këshilltaren federale, Simonetta Sommaruga, udhëton nga Badeni në Cyrih, transmeton albinfo.ch. Deputetë të Parlamentit Federal dhe kryetarët e parlamenteve kantonale të Aargaut dhe Cyrihut si dhe të ftuar janë gjithashtu të pranishëm në vagonët hekurudhorë prej druri.
Rreth 150 njerëz udhëtojnë për në Cyrih me disa vagona të trenit historik me avull. Nëse lokomotiva me avull shkakton papritur probleme, një lokomotivë “krokodil” me energji elektrike është në dispozicion në Baden për çdo rast, shkruan sda.ch.
Ceremonia zyrtare me fjalimet e ministres së Transportit, Sommaruga, shefit të SBB, Vincent Ducrot dhe Renato Fasciati, President i Shoqatës së Transportit Publik, do të zhvillohet në qendrën e riparimit SBB, në Altstetten ZH.
Lokomotiva e “Spanisch-Brötli-Bahn” e ish-Hekurudhave Veriore të Zvicrës, është një kopje reale e origjinalit. Replika, e ndërtuar për 100-vjetorin e hekurudhës, në vitin 1947, është në pronësi të Fondacionit Historik SBB në Brugg.
Dy lokomotivat e para të “Spanisch-Brötli-Bahn” ishin porositur në Karlsruhe (Gjermani). Ato quheshin “Limmat” dhe “Aare”, sipas emrave të lumenjve të njohur zviceranë, përcjell albinfo.ch. Lokomotivat origjinale funksionuan për 19 vjet deri në vitin 1866. Lokomotiva “Aare” u shkatërrua në vitin 1868 dhe “Limmat” më 1882.
Një kopje e “Limmat” qe konstruktuar për festimet e njëqindvjetorit, në vitin 1947. Me rastin e 150-vjetorit në vitin 1997 është përdorur lokomotiva 11.6 metra e gjatë që lëvizte me shpejtësi deri në 40 km/h.
(Në foto: treni i punuar në vitin 1947 si kopje reale e trenit të parë “Spanisch Brötli” të vitit 1847, i cili ishte shkatërruar në vitin 1868).
Të ngjashme
Të tjera nga Lajme
E-Diaspora
-
Arrestohet 18 vjeçari shqiptar në Itali, mbante mbi 220 doza kokaine në xhep Mësohet se një operacion i Karabinierëve në zonën e Centro-s, në Genova, çoi në arrestimin e...
-
Vjenë: Mbi 190 profesionistë shqipfolës nga e gjithë Evropa në eventin e Illyrian Brains
-
Ulen dënimet e kosovarëve të akuzuar për skllavërim të grave: Mungojnë faktet
-
Konflikt mes shqiptarëve në Itali, vritet me thikë 35-vjeçari
-
Autoshkollë e re në Winterthur, flasin edhe shqip!
Jeta në Austri
-
Domethënia e zgjedhjeve të Vjenës për të huajt, sezoni i alergjive dhe ngjarjet kryesore të javës në Austri Ndër ngjarjet kryesore të kësaj jave, zbulohet se çfarë do të thonë rezultatet e zgjedhjeve të...
-
Vjenë: Mbi 190 profesionistë shqipfolës nga e gjithë Evropa në eventin e Illyrian Brains
-
Hetimi për aksidentin ajror në Graz në 2024 i kalon Zvicrës
-
Austri: Nxënësi 15-vjeçar pranon se ka dërguar kërcënime për bomba në tre shkolla
-
Pas Zvicrës edhe Austria i reagon Gjermanisë për kontrollet kufitare