Në Kosovë vazhdon “Karvani i Diasporës”

Me moton "Shijo Kosovën" ka vazhduar në Prizren aktiviteti “Karvani i Diasporës”.

Me moton “Shijo Kosovën”, ka vazhduar në Prizren aktiviteti “Karvani i Diasporës”. Sipas Ministrisë së Punëve të Jashtme dhe Diasporës, këtij aktiviteti iu bashkuan bashkatdhetarë prizrenas, raporton Albinfo.ch.

Me bashkatdhetarët gjatë këtij aktiviteti ka bashkëbiseduar zëvendësministri i Punëve të Jashtme dhe Diasporës, Kreshnik Ahmeti.

“Me këtë rast, në bashkëbisedim me z. Kreshnik Ahmeti, zëvendësministër i MPJD-së, dhe zëvendësministren e Arsimit, znj. Edona Maloku Bërdyna, mëgimtarët u njoftuan për qëllimin e Karvanit dhe për programet që ofron MPJD-ja”, thuhet në njoftimin e MPJD-së.

Ky aktivitet ka vazhduar në Bogë të Pejës dhe në Mitrovicë, duke filluar nga ora 19.00 në muzeun e qytetit./Albinfo.ch

---