Lajme
Nga viti 2015 në Zvicër nuk ka qenë kaq nxehtë: Sot, 38.3 gradë në Gjenevë
Matjet në Gjenevë datojnë nga viti 1864. Vetëm dy herë ka qenë më nxehtë se sot: më 7 korrik 2015 me 39,7 gradë dhe më 28 korrik 1921 me 38,9 gradë
Temperatura rekorde vjetore janë matur në shumë vende këtë pasdite. Më së nxehti ka qenë në Gjenevë me 38.3 gradë. Në Gösgen/SO u regjistruan 37.4 gradë dhe në Leibstadt/AG 37.2 gradë.
Hera e fundit që ka qenë më nxehtë në Zvicër ka qenë 7 vite më parë në korrik 2015, transmeton albinfo.ch. Ndërkaq, seria e matjeve në Gjenevë daton në vitin 1864, shkruan srf.ch. Në 158 vitet e fundit ka qenë vetëm dy herë më nxehtë se sot: më 7 korrik 2015 me 39,7 gradë dhe më 28 korrik 1921 me 38,9 gradë.
Por edhe në regjione tjera të Zvicrës sot janë shënuar temperatura të larta. Për shembull në Schaffhausen dhe Würenlingen në Aargau, nxehtësia ka arritur në 35.3 gradë.
Sipas Meteoschweiz, Zyra Federale për Meteorologjinë dhe Klimatologjinë, termometri në Basel/Binningen është ngjitur në mbi 30 gradë pak para orës 11 të paradites së të enjtes.
Pas qershorit të dytë më të ngrohtë dhe korrikut të katërt më të ngrohtë, po bëhet e qartë se vera aktuale ka shumë mundësi të jetë një nga më të ngrohtat që nga fillimi i matjeve në 1864, shkruan Meteoschweiz, përcjell albinfo.ch. Rekordi i mëparshëm ishte ai i verës së vitit 2003.
Nga ana tjetër, njerëzit në La Brévine në lartësinë 1042 metra në kantonin Neuchâtel, fshatin që njihet si “Siberia e Zvicrës” përjetuan një mëngjes të freskët. Në orën 4.30 të mëngjesit atje ishte vetëm 6.4 gradë “ngrohtë”. Për krahasim: Në Üetliberg afër Cyrihut mbretëronte një natë e ashtuquajtur tropikale me 22 gradë, siç shkruan Meteoschweiz – të paktën 870 metra mbi nivelin e detit.
E-Diaspora
-
Paraqitet si kroat, me pasaportë false – burgoset muratori nga Kosova Prokuroria publike e Schwyz-it dënoi kosovarin për hyrje të paligjshme, qëndrim të paautorizuar dhe punë pa...
-
Ka shantazhuar një të burgosur: 8 muaj shtesë për kosovarin e dënuar me 16.5 vjet burgim
-
Kryediplomati shqiptar, Igli Hasani, takon homologun e tij nga Zvicra, Ignazio Cassis
-
Gjon’s Tears në intervistë për median zvicerane, flet për Kosovën
-
Bizneset nga diaspora vizitojnë “Shtëpinë e Kosovës”
Jeta në Austri
-
Planifikonte sulm në Graz të Austrisë, arrestohet 14-vjeçarja me origjinë nga Mali i Zi Policia austriake raportohet të ketë arrestuar një 14-vjeçare me origjinë nga Mali i Zi nën dyshimet...
-
A duhet të kryejnë shërbimin e detyrueshëm ushtarak të Austrisë personat me shtetësi të dyfishtë?
-
Rreth 350 biznese nga diaspora dhe Kosova u mblodhen në Prishtinë
-
Si po e ndryshon motin në Austri ngrohja globale?
-
Lajmet më të fundit të së enjtes në Austri