Spanja dhe Greqia regjistrojnë nivelin më të lartë të papunësisë në BE

Foto ilustrim

Papunësia në Eurozonë mbeti e qëndrueshme në 6.6 për qind gjatë muajit qershor 2022, krahasuar me muajin paraardhës.

Sipas Zyrës evropiane të Statistikave, ky nivel është ulur me 1.3 për qind krahasuar me nivelin e papunësisë së vitit të kaluar, pasi njerëzit kthehen në punë pas humbjes së vendeve të punës gjatë pandemisë COVID-19.

Niveli i papunësisë në Bashkimin Evropian ishte në 6 për qind, gjithashtu i qëndrueshëm krahasuar me majin 2022.

Megjithatë, papunësia e të rinjve u rrit nga muaji në muaj me rreth 59 mijë në BE dhe 64 mijë në Eurozonë. Krahasuar me vitin e kaluar, është ulur me rreth 527 mijë në BE dhe 450 mijë në Eurozonë.

Eurostat vlerëson se rreth 12.9 milionë burra dhe gra në BE janë të papunë, ku 2.5 milionë janë nën moshën 25 vjeç.

Papunësia ishte më e larta në Spanjë dhe Greqi, me përkatësisht 12.6 dhe 12.3 për qind. Republika Çeke ka shkallën më të ulët të papunësisë në BE, me 2.4 për qind./Telegrafi