Pse njerëzit vendosin të jetojnë në Austri?

Jacek Dylag

Austria është një vend i vogël, pa dalje në det në Evropën Qendrore, i famshëm për muzikën klasike, peizazhet mahnitëse dhe një standard të lartë jetese, transmeton albinfo.at.

Por është gjithashtu vend i shtrenjtë dhe mund të jetë i vështirë për të huajt të integrohen dhe dialektet e ndryshme në gjithë vendin e bëjnë mësimin e gjuhës një sfidë.

Ashtu si në shumë vende të botës, ka të mirat dhe të këqijat për të jetuar në Austri. Por çfarë e bën atë tërheqës për të huajt? Dhe pse disa njerëz vendosin të qëndrojnë?

Kur bëhet fjalë për arsyen kryesore pse njerëzit shpërngulen në Austri, përgjigjja më e popullarizuar me 30.7 për qind ishte, për punë.

Për shumë njerëz që u zhvendosën për punë, vendimi ishte i lehtë – veçanërisht për ata që u transferuan në Austri me një kontratë me afat të caktuar dhe vizë.

Liam, nga Britania e Madhe, i cili aktualisht jeton në Vjenë, tha: “Unë jam beqar, është afër Britanisë së Madhe dhe jeta ka të bëjë me mundësitë, kështu që mendova, pse jo?”

Puna është arsyeja më e zakonshme që njerëzit të shpërngulen në Austri, sipas rezultateve të një sondazhi nga The Local, transmeton tutje albinfo.at.