Bie çmimi i naftës

Rënia në fakt ka ardhur graduale në 24 ditët e fundit në pikat e furnizimit në gjithë SHBA-të, pas një rritjeje të ndjeshme si pasojë e luftës në Ukrainë.

Çmimi i karburantit në SHBA ka parë rënien më të madhe brenda ditës, që prej vitit 2008, me 3.1 cent, duke e çuar gallonin (njësi matëse ekuivalente me 3.7 litra) e benzinës në 4.721 dollarë.

Një prej arsyeve të kësaj rënieje mendohet se ka qenë edhe rënia drastike e çmimit të naftës bruto në tregjet ndërkombëtare. Rreth 60% e çmimit të karburantit në SHBA përbëhet pikërisht nga çmimi i naftës bruto.

Kjo është parë edhe si një lehtësi për presidentin amerikan, Joe Biden, i cili është kritikuar së tepërmi për rritjen e çmimit të hidrokarbureve.

Pavarësisht faktit se ai ka miratuar lëshimin e mbi 1 milion fuçish nafte nga rezervat e SHBA-së, çmimi nuk është ulur kaq sa ditët e fundit.

Shpresat e mëdha janë tashmë për një normalizim të situatës në tregun amerikan.

Teksa, në botë, ende vijojnë problematikat e mëdha me hidrokarbure.

Në Evropë, çmimet mbeten tepër të larta, ku litri i naftës shitet me çmime që variojnë nga 2-3 euro.

Shqipëria po ashtu ka parë një rritje në nivele rekord të karburanteve, ku çmimi ka shkuar deri në 268 lekë për litër.

Ditët e fundit gjithsesi ulje ka pasur edhe në tregun vendas, duke ngjallur shpresën se mund të ketë normalizim të situatës./ap

 

---