Tre ambasadorët i japin mbështetje kryetarit të ri të LAPSH-it, Liburn Mehmetaj

Ambasadorët përgëzuan z.Mehmetaj për zgjedhjen e tij në krye të LAPSH dhe vlerësuan lartë vizionin e tij për të çuar përpara punën e LAPSH në Zvicër

Më 26.06.2021, ambasadori i RSH në Bernë, z. Ilir Gjoni, ai i RKS, z. Sami Ukelli dhe i RVM, Kenan Ramadani, patën një takim të frytshëm pune në Kuttingen të Aargaut me kryetarin e sapozgjedhur të Lidhjes së Arsimtarëve dhe Prindërve Shqiptarë në Zvicër (LAPSH), z. Liburn Mehmetaj, thuhet në një njoftim në faqen e Ambasadës së Shqipërisë në fb.

Ambasadorët përgëzuan z. Mehmetaj për zgjedhjen e tij në krye të LAPSH-it dhe vlerësuan lart vizionin e tij për të çuar përpara punën e LAPSH-it në Zvicër, duke ndjekur një qasje gjithëpërfshirëse, moderne e mentalitet të ri reformues si në drejtim ashtu dhe organizimin e shoqatës.

Ambasadorët po ashtu i shprehën z. Mehmetaj mbështetjen e plotë për të dhe kryesinë e re të LAPSH-it në përmbushje të funksionit të saj patriotik – mësimin e gjuhës, kulturës e historisë shqiptare ndër fëmijët në diasporë, përfundon njoftimi.

---