Lajme
Shimpanzeja u vra nga punonjësit e parkut zoologjik, qytetarët paralajmërojnë protesta
Reagime të fuqishme në rrjetet sociale ka shkaktuar ngjarja e ndodhur mëngjesin e së shtunës në Parkun Zoologjik të Atikës ku punonjësit e tij kanë vrarë një shimpanze që ka mundur të dalë përtej mureve të parkut duke rrezikuar vizitorët.
Bëhet fjalë për më të madhin nga 9 shimpanzetë e Parkut Zoologjik të Atikës, me moshë 27 vjeç dhe rreth 1.60 metra i lartë. Ai arriti të kalonte telat mbrojtës të tensionit të lartë të energjisë elektrike dhe hendekun me ujë dhe ka dalë nga parku.
Të paktën 20 persona nga stafi i parkut janë mobilizuar menjëherë në përpjekje për ta kapur, ndërsa shimpanzeja ishte ngjitur në një shtyllë të lartë tre metra. Gjithashtu është dhënë urdhër nga altoparlantët që gjithë vizitorët që ndodheshin në atë moment në parking, të futeshin në makina dhe të qëndronin brenda tyre.
Përfundimisht, rojat nuk kanë mundur ta kapin shimpanzenë dhe u mor vendimi për ta vrarë. Një prej zyrtarëve të Parkut Zoologjik të Atikës, Jean-Jacques Lesouard, ka shpjeguar se nuk mund t’i injektonin anestezi, pasi për shkak të gjendjes do të duheshin 15 minuta që të vepronte ilaçi, kohë kur kafsha mund të sulmonte dikë prej vizitorëve.
Por në rrjetet sociale, askush nuk është pajtuar me vrasjen e majmunit, duke komentuar se këto kafshë jo vetëm që mbahen të mbyllura ,por edhe se kur përpiqen të fitojnë lirinë, i vrasin. Madje është bërë thirrje për një miting proteste mbrëmjen e së dielës ,ku do të kërkohet edhe mbyllja e parqeve zoologjike.
E-Diaspora
-
Gjon’s Tears në intervistë për median zvicerane, flet për Kosovën Pas paraqitjeve të dukshme në televizion, Gjon’s Tears nga Fribourg publikoi albumin e parë në mars....
-
Bizneset nga diaspora vizitojnë “Shtëpinë e Kosovës”
-
Shqiptari diplomon në Columbia University në Nju Jork
-
Bernë: Promovohet libri “Gazmend Zajmi – Një jetë për Kosovën” me autor Nuhi Bytyçi
-
Tenori Ramë Lahaj në Toronto, me rastin e 25-vjetorit të ardhjes së refugjatëve nga Kosova në Kanada
Jeta në Austri
-
A duhet të kryejnë shërbimin e detyrueshëm ushtarak të Austrisë personat me shtetësi të dyfishtë? Jo vetëm ata që kanë lindur me pasaportë austriake duhet të kryejnë shërbimin ushtarak. Nëse jeni...
-
Rreth 350 biznese nga diaspora dhe Kosova u mblodhen në Prishtinë
-
Si po e ndryshon motin në Austri ngrohja globale?
-
Lajmet më të fundit të së enjtes në Austri
-
Qeveria austriake ndan edhe këtë vit bonus: Nga 145 -290 euro për secilin qytetar të saj