Flaka Goranci, për të dytën herë në Operan Carmen

Opera Carmen nga kompozitori franzcez Georges Bizet është ndoshta njëra ndër operat më të luajtura dhe më të ndjekura në botë. Karakteriristakt e kësaj opere e kanë bërë atë që të krijojë aq shum tifozë të saj.

Duke qenë e tillë, gjithmonë kërkohen artistët e duhur për të kompletuar këtë kryevepër.

Tashmë për të dytën herë, kësaj radhe në Langenthal të Zvicrës, mezosopranja kosovare, Flaka Goranci, do të përballet përsëri me publikun në rolin e Carmenit.

Flaka Goranci që tashmë ka bërë emër edhe në kryeqytetin e kulturës evropiane, pra në Vjenë të Austrisë, ku tashmë edhe banon, vie edhe një herë në Zvicër për të bërë atë që ajo di më së miri, të mahnitë publikun zviceran me zërin dhe lëvizjet e saja skenike.

Duke qenë se pak ditë na ndajnë nga premiera e kësaj opere, nën organizimin e Rrjetit të Bizneseve të Diasporës shqiptare në Zvicër, “Carmeni” shqiptar u paraqit në një konferencë për media e që u mbajt në objektin e Ambasaded së Republikës së Kosovës në Zvicër.

“Mirë se vini në shtëpinë tuaj dhe shtëpinë tonë të përbashkët”, ishin fjalët e zyrtarit të lartë në Ambasadën e Republikës në Bernë, Gjenis Haxhimemeti, teksa hapi konferencën për media e mezosopranos Flaka  Goranci. Duke i cilësuar artistët si ambasadorë më të mirë të Kosovës në botë, ai vlerësoi lart kontributin e secilit prej tyre në afirmimin e vlerave tona.

Mezosopranja Goranci, duke iu përgjigjur pyetjeve të ndryshme të të pranishmëve, rrëfeu në pika të shkurtra momente nga fillimet e karrierës së saj, dashuria për muzikën, e në veçanti për operan, e po ashtu edhe për rolin e të qenit një nënë e dy binjakeve.

“Carmen” ishte po ashtu temë e pyetjeve, ku Flaka tashmë për herë dytë në këtë rol, tregoi për kënaqësinë dhe sfidat që jep ky rol.

Një temë tjetër ishte edhe projekti i radhës i Flakës, “La Femme”, ku u kushtohet grave kompozitore nga e gjithë bota.

Presidenti i Bordit të Rrjetit të Bizneseve të Diasporës shqiptare në Zvicër, Fehmi Fetahi, përshëndeti të pranishmit, e në veçanti Flaka Gorancin, duke i uruar po ashtu suksese, e shpallën të mbyllur këtë ngjarje mediatike./Albinfo.ch

 

---