Arrestohet një shtetas i huaj, tenton të udhëtojë me dokumente të falsifikuara

Policia e Kosovës ka arrestuar një shtetas të huaj, të dyshuar i cili kishte tentuar të udhëtonte me dokument të falsifikuar të lëshuar nga një shtet tjetër.

Ngjarja ka ndodhur të martën në Aeroportin Ndërkombëtar të Prishtinës, ndërsa bëhet e ditur se personi i arrestuar me vendim të prokurorit është dërguar në mbajtje dhe se rasti është në procedurë hetimore.

“Aeroporti i Prishtinës, 14.06.2022 – 11:30. Është  arrestuar  i dyshuari  mashkull, shtetas i huaj, i cili ka qenë duke udhëtuar me dokument të falsifikuar të lëshuar nga një shtet tjetër. I njëjti me vendim të prokurorit dërgohet në mbajtje, rasti në procedurë hetimore”, thuhet në njoftimin e policisë./Albinfo.ch