Parlamenti gjerman jep dritën jeshile për rritjen e pagës minimale

pixabay

Mësohet se Parlamenti gjerman ka dhënë dritën jeshile për rritjen e pagës minimale, njofton albinfo.ch.

Nga 1 tetori paga minimale në Gjermani për një orë pune do të jetë 12 euro.

Sipas ministrit të Punës, Hubertus Hale, nga kjo rritje do të përfitojnë rreth gjashtë milionë qytetarë.

Legjislacioni pritet të marrë miratimin përfundimtar nga Parlamenti gjerman të premten e ardhshme dhe synon të ndihmojë punëtorët me të ardhura të ulëta që të përballojnë kostot në rritje për ushqimin dhe ngrohjen.

Aktualisht paga minimale në Gjermani është 1621 në muaj, ndër më të lartat në të gjithë Bashkimin Evropian.

Aktualisht paga minimale për orë është 9.82 euro dhe pritet të shkojë në 10.45 euro nga 1 korriku bazuar në rregulloret aktuale në ekonominë më të madhe të kontinentit dhe në 12 eruo më 1 tetor.

Rritja e pagës minimale është një nga premtimet kyç që kancelari Olaf Soltz bëri përpara zgjedhjeve të vitit të kaluar.

Kjo është një rritje prej gati 15% dhe do të hyjë në fuqi në vjeshtë.

Soltz ka folur prej kohësh në favor të rritjes së pagës për orë në 12 euro, duke e bërë atë një element kyç të fushatës së tij shtatorin e kaluar.