Abdixhiku, pas Zvicrës prezanton në Belgjikë projektin “Lidhja për të ardhmen”

Kryetari i LDK-së, Lumir Abdixhiku, po zhvillon takime me mërgimtarë dhe me strukturat e partisë së tij në disa shtete të Evropës.

Abdixhiku qëndroi në Bruksel, ku tha se u takua me bashkëpunëtorë dhe bashkatdhetarët, me të cilët kishte edhe një datë për të shënuar.

“Me struktura tona partiake shënuam dhe 32-vjetorin e veprimit të LDK-së në Beneluks. Janë 32 vjet të kontributit të jashtëzakonshëm të veprimtarëve e veprimtareve tona që i dhanë Kosovës mbështetje fundamentale në të gjitha etapat historike”, është shprehur Abdixhiku, përcjell albinfo.ch.

“Është thirrje për bashkim në projektin tonë politik “Lidhja për të ardhmen”. Tubimet e takimet tona në Zvicër e Belgjikë janë përgjigje të qarta ndaj kësaj ftese. Dhe ky është veçse fillimi. Do të ecim bashkë, do të ecim mbarë. LDK është shtëpia politike e mërgatës shqiptare”.