Këto janë shifrat e javës së fundit nga BAG

BAG raporton 150 pranime të reja në spital. Aktualisht 471 persona po trajtohen në spital për Covid-19 ose 31 për qind më pak se në javën e kaluar

Zyra Federale e Shëndetit Publik ka raportuar sot 10,788 raste të reja që kanë rezultuar pozitive me koronavirus gjatë javës së fundit.
Kjo e vendos mesataren 7-ditore në 1593 raste në ditë që është 16 për qind më pak se në javën e kaluar, transmeton albinfo.ch.

Incidenca 14-ditore aktualisht është 309.13.

BAG raporton 150 pranime të reja në spital, mesatarja 14-ditore e të cilave është 22 në ditë. Aktualisht 471 persona po trajtohen në spital për Covid-19 ose 31 për qind më pak se në javën e kaluar.

Aktualisht janë 44 pacientë me Covid-19 në terapi intensive. Kjo është 6 për qind më pak krahasuar me javën e kaluar.

BAG raporton 12 të vdekur nga Covid-19 në shtatë ditët e fundit. Mesatarja 7 ditore është 2 të vdekur.

Norma pozitive në mesataren 7-ditore është aktualisht 19.0 për qind. Krahasuar me javën e kaluar, norma pozitive ka rënë me 1 pikë përqindje.

Numri i testeve të bëra në një mesatare 7-ditore është 9695 teste në ditë. Ajo ka rënë me 11 përqind krahasuar me javën e kaluar.

---