Shqipëria
Zvicër: 100 milionë euro për zhvillimin e demokracisë, ekonomisë dhe shëndetësisë në Shqipëri
Ministrja shqiptare e Financave dhe Ekonomisë, Delina Ibrahimaj dhe Drejtoresha e Përgjithshme e Agjencisë Zvicerane për Zhvillim dhe Bashkëpunim SDC, Patricia Danzi, njoftuan sot nisjen e një fazë të re të programit të bashkëpunimit midis dy vendeve.
Programi i ri i bashkëpunimit parashikon përkushtimin e Zvicrën me një fond prej 105 milionë frangash zvicerane [100 milionë euro] me synim kontributin për demokraci, zhvillim ekonomik, shëndetësi dhe ndryshimëet klimatike në Shqipëri, ka thënë Ambasada e Zvicrës në një njoftim për shtyp.
“Programi i ri i bashkëpunimit midis Zvicrës dhe Shqipërisë është një tregues tjetër e partneritetit të ngushtë midis dy vendeve tona. Shumë është arritur në katër vjetët e shkuara. Jam e sigurt që shumë do të arrihet gjithashtu edhe në katër vjetët e ardhshme. Programi i ri bazohet dhe vijon me mbështetje në fushat kyçe të demokracisë, ekonomisë, shërbimeve infrastrukturore dhe shëndetësisë”, tha ministrja e Financave, Delina Ibrahimaj.
“Sot jam e gëzuar dhe e nderuar që lansoj me të gjithë ju programin e ri të bashkëpunimit zvicerano-shqiptar 2022-2025. Partneriteti është tipari thelbësor i bashkëpunimit tonë. Shumë nga ju – qeveria shqiptare, shoqëria civile, sektori privat, partnerët për zhvillim – morën pjesë në përpunimin e këtij programi të ri të bashkëpunimit. Ju falënderoj për kontributin. Ne kemi një pronësi të përbashkët të këtij programi. Ne gjithashtu shohim përpara drejt zbatimi të tij së bashku”, tha Drejtoresha e Përgjithshme e Agjencisë Zvicerane për Zhvillim dhe Bashkëpunim SDC, Patricia Danzi.
Në aktivitetin e nisjes së bashkëpunimit merrnin pjesë disa ministra të qeverisë, deputetë, dhe kryetarë bashkie, ndërsa delegacioni i qeverisë zvicerane u përfaqësua nga Sekretariati Zviceran i Shtetit për Çështjet Ekonomik SECO, Martin Saladin.
Sipas programit të ri të bashkëpunimit, Zvicra përkushton 105 milionë franga zvicerane për mbështetjen e qeverisjes demokratike, zhvillimit ekonomik, shërbimeve infrastrukturore dhe ndryshimeve klimatike, dhe shëndetësisë në Shqipëri.
Ai mbulon periudhën 2022-2025 dhe do të fokusohet në reforma dhe rezultate në fushat e demokracisë, shtetit ligjor, klimës së biznesit dhe kushteve të jetesës për qytetarët.
Zvicra është një nga partnerët dhe donatorët dypalësh më të rëndësishëm për Shqipërinë veçanërisht në fushat e qeverisjes demokratike, mbështetjes makroekonomike, dhe shëndetësisë.
Të ngjashme
Të tjera nga Shqipëria
E-Diaspora
-
“Kino Kosova”: Një realitet filmik i shikuar nga perspektiva femërore Në pesë nga shtatë filmat e shfaqur në ditën e dytë, autore janë gratë ose vajzat...
-
Krasniqi sonte rikthehet në ring, përballet me boksierin portugez
-
Edi Rama e konfirmon: Më 12 maj jam në Athinë, nisim rrugëtimin e pranverës në diasporë
-
Kalabri - Itali
Gennaro Gattuso flet për rrënjët e tij në Kalabri
-
Gjermani
Iu dha lamtumira e fundit dje mërgimtarit nga Gjermania që humbi jetën në vendin e punës
Jeta në Austri
-
Një përmbledhje e lajmeve më të fundit në Austri Austria sheh rritje të papunësisë ndërsa ekonomia dobësohet, foshnja e vogël lëndohet pas rënies nga dritarja...
-
A mund të paguani taksat tuaja austriake duke përdorur një llogari bankare të huaj?
-
Pse Austria renditet kaq keq në indeksin për lirinë e shtypit?
-
Nomadët digjitalë: Kush mund të punojë në distancë në Austri?
-
Lajmet kryesore të Austrisë për këtë të enjte