Rënie e mëtejme e infeksioneve në Zvicër: 16,606 raste në 7 ditët e fundit

56 pacientë me Covid-19 janë në kujdes intensiv ose 19 për qind më pak në krahasim me javën e kaluar. 16 të vdekur janë regjistruar gjatë 7 ditëve

Zyra Federale e Shëndetit Publik (BAG) raportoi sot 16,606 raste të reja që kanë rezultuar pozitive me koronavirus gjatë javës së fundit.
Kjo e vendos mesataren 7-ditore në 2395 raste në ditë, që është 25 për qind më pak se në javën e kaluar. Incidenca 14-ditore aktualisht është 512.58.

BAG raporton 307 shtrime të reja në spital, mesatarja 14-ditore e të cilave është 38 në ditë. 814 persona aktualisht po trajtohen në spital për Covid-19 dhe kjo është 20 për qind më pak se në javën e kaluar.

Aktualisht janë 56 pacientë me Covid-19 në kujdes intensiv, transmeton albinfo.ch. Kjo është 19 për qind më pak në krahasim me javën e kaluar.

BAG raporton 16 raste të reja të vdekjes në këto shtatë ditë.

Norma pozitive në mesataren 7-ditore është aktualisht 23.2 për qind. Krahasuar me javën e kaluar, norma pozitive ka rënë me 4 pikë përqindjeje.

Numri i testimeve në një mesatare 7-ditore është 12,409 teste në ditë dhe për këtë arsye ka rënë me 12 për qind krahasuar me javën e kaluar.

---