Në Zvicër po hetohet se ku oligarkët rusë kanë fshehur pasuritë e tyre

Në Zvicër po kërkohet krijimi i një task force speciale për të gjetur se ku oligarkët rusë kanë fshehur pasuritë e tyre.

Partia Socialdemokrate kërkon krijimin e një task force speciale për të gjetur se ku në Zvicër oligarkët rusë kanë fshehur pasuritë e tyre, njofton albinfo.ch.

Zyra e Prokurorit Federal, Autoriteti Mbikëqyrës i Tregut Financiar (FINMA) dhe ekspertët nga Sekretariati Shtetëror për Çështjet Financiare Ndërkombëtare duhet të kenë një pasqyrë të të gjitha fondeve, pasurive të paluajtshme dhe veprave të artit të ruajtura në Zvicër, tha partia, përcjell albinfo.ch.

“Neutraliteti aktiv nuk do të thotë të shikosh larg, por të jesh avokat i së drejtës ndërkombëtare dhe të drejtave themelore”, tha deputetja Mattea Meyer.

Në veçanti, legjislacioni për pastrimin e parave dhe ligji për embargo duhet të përmirësohen, sipas Meyer. “Duhet t’i japim fund qëndrimit ‘përderisa rubla rrokulliset, ne shikojmë diku tjetër’. Është gjithçka tjetër veçse neutrale”.

---