Lajme
BAG nuk rekomandon vaksinën e katërt: Pritet rënie e madhe e rasteve në muajt në vijim
Duke filluar nga prilli, shifrat kryesore aktuale të koronës do të komunikohen vetëm një herë në javë. Ato do të shpallen çdo të martë pasdite
Sot u mbajt në Bernë konferenca e radhës për media, e ekspertëve përfaqësuesve të institucioneve shëndetësore.
Në këtë konferencë janë kumtuar disa risi lidhur me rrjedhën aktuale të pandemisë dhe trajtimin e saj, shkruan albinfo.ch.
Para gazetarëve janë paraqitur: Patrick Mathys, Shef i Seksionit të Menaxhimit të Krizave dhe Bashkëpunimit Ndërkombëtar në Zyrën Federale të Shëndetit Publik (BAG), Christoph Berger, kryetar i Komisionit Federal për Vaksinimin (EKIF), Tanja Stadler, kryetare e Task Forcës Kombëtare të Shkencës Covid-19 dhe Rudolf Hauri, Mjek Kantonal i Kantonit të Zug-ut dhe kryetar i Konferencës së Mjekëve Kantonalë (VKS), raporton srf.ch.
Në vazhdim, një përmbledhje e asaj që u tha në këtë konferencë.
Patrick Mathys, (BAG), është shprehur se rreth 10 për qind e popullsisë janë ende bartës të mundshëm të virusit dhe mund të infektojnë të tjerët. “Përgjegjës për infeksionet është kryesisht nënvarianti BA.2”.
Numri i lartë i rasteve: Pavarësisht numrit të lartë aktual të rasteve, mund të pritet një ulje e ndjeshme e infeksioneve në muajt në vijim. Falë nivelit të lartë të imunitetit, tani mund të “tolerohet” numri i madh i rasteve, pa rrezikuar që institucionet shëndetësore të mbingarkohen sërish.
Numrat e rasteve do të publikohen vetëm çdo javë: Mathys ka shpjeguar më tej se, duke filluar nga prilli, shifrat kryesore aktuale të koronës do të komunikohen vetëm një herë në javë. Ato do të shpallen çdo të martë pasdite, transmeton albinfo.ch. Konferenca e sotme për media është gjithashtu e fundit e planifikuar si e rregullt. Në varësi të situatës, aktivitetetë tilla mund të ndodhin edhe në të ardhmen.Kontrollet e ardhshme në bazë të mostrave (të rastit): Mostrat nga njerëz të përzgjedhur duhet të ndihmojnë për të identifikuar çdo variant të ri virusi në kohën e duhur.
Nuk rekomandohet vaksinim i dytë përforcues: BAG dhe Komisioni Federal për Vaksinimin (Ekif) aktualisht nuk rekomandojnë një vaksinim të dytë përforcues kundër koronavirusit – as në përgjithësi dhe as për një grup të veçantë pacientësh.
E-Diaspora
-
Lidhja e Mjekëve Shqiptarë në Zvicër ngushëllon familjen Dalipi "Komuniteti mjekësor në Zvicër humbi sot papritmas kolegun e nderuar, doajenin e psikiatrisë dhe psikoterapisë Dr.med....
-
Ndahet nga jeta psikiatri, Dr. med Sami Dalipi
-
Shënohet Dita ndërkombëtare e remitencave, Kosova ka rritje ndër vite
-
Komuniteti Musliman Shqiptar në Zvicër uron festën e Kurban-Bajramit
-
Si e sheh Zvicra Kosovën në 25 vjetorin e çlirimit
Jeta në Austri
-
Kur mund të kërkoj rimbursim për shpenzimet mjekësore në Austri? Nëse vizitoni një ‘mjek me zgjedhje’ në Austri ose shkoni për disa procedura dhe ekzaminime, mund...
-
Austriakët, të shqetësuar pas rritjes së FPO ekstremiste në zgjedhjet evropiane
-
A ka Austria probleme me drogën?
-
8 gjërat që duhet të dini përpara se të filloni një punë në zyre në Austri
-
Gjithçka që duhet të dini për marrjen me qira të një makine në Vjenë