Rritet kërkesa për testim në Zvicër

Kërkesa për testim me Covid po rritet, pasi një valë e re infeksionesh po përfshin gjithë vendin.

Shifrat nga Zyra Federale e Shëndetësisë thonë se ka pasur 69,000 raste të reja në tri ditët e fundit – 19% më shumë se javën e kaluar.

Numri i njerëzve që testohen është rritur ndjeshëm. Qendrat e testimit në gjithë vendin, por kryesisht në zonat gjermanishtfolëse për momentin, tregojnë qindra raportime të tjera në qendrat e testimit, shkruajnë mediat zvicerane, përcjell albinfo.ch.

Rritja thuhet se nuk është befasuese, pasi kufizimet po hiqen dhe njerëzit po shoqërohen më shumë – veçanërisht me fillimin e sezonit të karnavaleve në shumë zona.

Kompania e testimit, GZF, thotë se një nëntip i ri Omicron është fajtor për rritjen e infeksioneve. Është shumë më i transmetueshëm se versioni i mëparshëm.