Lajme
Vaji e mielli, produkte shumë të kërkuara edhe në shtetet e BE-së
Vaji i lulediellit dhe mielli kanë mbaruar në supermarketet spanjolle me frikën e një mungese për shkak të pushtimit rus të Ukrainës.
Spanja është veçanërisht e varur nga Ukraina për vajin e lulediellit dhe një total prej 62% të kërkesës spanjolle ka ardhur së fundmi nga vendi tashmë i pushtuar, përcjell Albinfo.ch.
”Ne kemi riporositur vajrat e gatimit, por nuk kemi marrë asgjë. Për ditë të tëra jemi me rafte bosh. E njëjta gjë ndodhi edhe me miellin, i cili nuk ndodhet në magazina”, deklaroi një punonjës i një supermarketi në Barcelonë.
Disa supermarkete kanë kufizuar shitjen e vajit të lulediellit në 5 litra për person.
Raftet e makaronave, tërshërës dhe bishtajoreve gjithashtu kishin boshllëqe të mëdha ose ishin pothuajse bosh, transmeton Dpa, përcjell Albinfo.ch.
Spanja prodhon kryesisht vaj ulliri, i cili është më i shtrenjtë, ndërsa klientët shmangin vajin e sojes, i cili është gjithashtu më i lirë, për shkak të skandalit të vajit toksik në vitin 1981.
Organizata e shitësve me shumicë dhe supermarketeve, ”Asedas”, kohët e fundit, theksoi “sjelljen e pazakontë të konsumatorëve” në blerjen e vajit të lulediellit dhe theksoi se furnizimi me vaj gatimi dhe produkte të tjera ushqimore është përgjithësisht i sigurt në Spanjë.
Sipas raporteve të medieve, pengesat mund të ndodhin jo më herët se vera, nëse prodhimi i ardhshëm në Ukrainë dështon.
Shoqatat e fermerëve kanë frikë se ushqimi i bagëtive mund të bëhet i pakët në rast të mungesave afatgjata në importin e misrit, drithërave dhe miellit të farave vajore të importuara nga Ukraina.
E-Diaspora
-
LDK shënon 34 vjetorin e veprimtarisë në Zvicër me tubim në Gjenevë Lidhja Demokratike e Kosovës ka shënuar 34 vjetorin e veprimit të saj politik në Zvicër. “Para...
-
Një mbrëmje plot risi dhe frymëzim
-
Komuniteti shqiptar në Itali merr pjesë në “Festën e Popujve” në Bari
-
Albian Hajdari mund të jetë befasia e Zvicrës në Evropian
-
Shqiptari në Angli fsheh drogë në çorape, dënohet me tre vjet burgim
Jeta në Austri
-
“Shokimet” më të mëdha kulturore që mund t’ju “godasin” pasi të shpërnguleni në Austri Shoku kulturor është një pjesë normale e lëvizjes në çdo vend të ri – apo edhe...
-
Kombëtarja shqiptare vendoset në Grac të Austrisë
-
Gjashtë gjëra që duhet t’i dini për vizitat te mjeku në Austri
-
Kur janë pushimet shkollore në Austri në vitin 2024?
-
A është më mirë të marrësh me qira apo të blesh pronë në Austri tani?