Rastet javore dhe shtrimet në spital po rriten sërish në Zvicër

(KEYSTONE/Salvatore Di Nolfi)

Këtë javë, 120,9017 raste të reja Covid-19 u raportuan në Zvicër, 24% më shumë nga 97,335 raste të raportuara një javë më parë. Për më tepër, numri i raportuar i pacientëve me Covid-19 të shtruar në spital u rrit pak nga 340 në 352 krahasuar me një javë më parë, përcjell albinfo.ch.

Numri mesatar i rasteve 7-ditore kishte qenë në rënie të vazhdueshme që nga fundi i janarit. Megjithatë, numri filloi të rritet në ditët para fundit të shkurtit. Më 4 mars 2022 u raportuan 25,131 raste të reja.

Në të njëjtën kohë, vdekjet javore të raportuara nga Covid-19 ranë pak nga 52 në 42. Përveç kësaj, numri i pacientëve me Covid-19 në kujdesin intensiv ra 14% nga 143 në 123.

Sipas ekspertit të sëmundjeve infektive Didier Pittet rritja e rasteve nuk është e papritur pas relaksimit të kufizimeve. Duke folur për RTS, Pittet tha se ne e dimë se Omicron është jashtëzakonisht ngjitës dhe ndoshta do të infektojë gjysmën e popullsisë së Zvicrës – aktualisht gati 100% e mostrave të testimit në Zvicër janë varianti Omicron. Dhe ky nuk është domosdoshmërisht një lajm i keq. Këto infeksione shtojnë imunitetin tonë, tha Pittet. Megjithatë, përhapja e virusit është gjithsesi problematike për të pavaksinuarit, tha ai. Unë gjithmonë e këshilloj këtë grup që të vaksinohen, tha eksperti.