Bunjaku: “Vali Ranch – Resort”, një nga destinacionet më të kërkuara në Kosovë

“Vali Ranch – Resort” në majën e fshatit qëndrestar e të rezistencës në Përlepnicë, nën pronësinë e Fehmi Fetahut, është bërë një nga destinacionet më të kërkuara në Kosovë për argëtim, ushqim e shkrepje, ka shkruar deputetja Valentina Bunjaku-Rexhepi.

Deputetja Bunjaku-Rexhepi ka thënë se ky resort është bërë referenca kryesore për Gjilanin e Anamoravën, duke i sjellë kësaj ane aq shumë turistë lokalë e të huaj.

“Është një vend ku mund të argëtohesh e të kalërosh, i mrekullueshëm për atmosferë familjare, takime pune e konferenca, për dasma e martesa. “Valit Ranch” dhe Fehmi Fetahut i uroj suksese të vazhdueshme! Mbetet një nga vendet më të bukura nga dora e njeriut në Kosovë”, ka thënë ajo.