Lajme
Statistikat javore: Më shumë raste, por më pak të rënda
Javën e kaluar në ICU ishin 257 pacientë me Covid-19. Raporti i fundit tregon 235, një rënie prej 9%
Këtë javë, 194,679 raste të reja Covid-19 u raportuan në Zvicër, 18% më shumë nga 164,333 raste të raportuara një javë më parë. Duke pasur parasysh ngjitshmërinë e lartë të Omicron, e cila tani dominon (89%) në Zvicër, numri real i rasteve mund të jetë dukshëm më i lartë, përcjell albinfo.ch.
Këtë javë, 468 persona u raportuan të shtruar në spital me Covid-19 në Zvicër, pak mbi nivelin e raportuar një javë më parë. Në të njëjtën kohë, numri i rasteve të rënda ka rënë. Javën e kaluar në ICU ishin 257 pacientë me Covid-19. Raporti i fundit tregon 235, një rënie prej 9%.
Gjatë javës, u raportuan 86 vdekje të lidhura me Covid-19, një shifër afër me numrin e javës së kaluar (89).
Philippe Eckert, drejtor në spitalin CHUV në Lozanë tha se situata kishte filluar të stabilizohej, por në një nivel jashtëzakonisht të lartë. Në të gjithë Zvicrën pacientët Covid-19 përbëjnë ende rreth 28% të pacientëve të ICU dhe ICU-të funksionojnë me 82% të kapacitetit, një nivel më i lartë se 77% një javë më parë.
Stabilizimi i numrave të spitaleve mund të jetë pjesërisht për shkak të virulencës më të ulët të Omicron. Sipas RTS, ka prova që sugjerojnë se Omicron po dërgon më pak njerëz në ICU. Në spitalin HUG në Gjenevë, vetëm dy pacientë me Omicron ishin në kujdes intensiv. Në spitalet në Lozanë, Bernë dhe Cyrih nuk kishte asnjë pacient të ICU me Omicron. Spitali i Bazelit nuk bëri dallime midis varianteve të ndryshme dhe kështu nuk ishte në gjendje t’i përgjigjej pyetjes. Megjithatë, kreu i ICU në Gjenevë tha se ishte pak herët për të nxjerrë përfundime. Sipas tij, zakonisht duhen dy ose tre javë që pacientët të përfundojnë në kujdesin intensiv, përcjell tutje albinfo.ch.
Për më tepër, aktualisht gjysma e pacientëve që hyjnë në spital janë infektuar me Omicron, duke shtuar tendosjen mbi spitalet.
Të ngjashme
Të tjera nga Lajme
E-Diaspora
-
Bizneset nga diaspora vizitojnë “Shtëpinë e Kosovës” Pas eventit të mbajtur dje në Prishtinë ku u bashkuan rreth 350 biznese nga diaspora dhe...
-
Shqiptari diplomon në Columbia University në Nju Jork
-
Bernë: Promovohet libri “Gazmend Zajmi – Një jetë për Kosovën” me autor Nuhi Bytyçi
-
Tenori Ramë Lahaj në Toronto, me rastin e 25-vjetorit të ardhjes së refugjatëve nga Kosova në Kanada
-
Regjistrimi i popullsisë: Diaspora mund të regjistrohet online deri më 31 gusht
Jeta në Austri
-
Rreth 350 biznese nga diaspora dhe Kosova u mblodhen në Prishtinë Në 10 vjetorin e themelimit të Rrjetit Global të Bizneseve Shqiptare, sot në Prishtinë është mbajtur...
-
Si po e ndryshon motin në Austri ngrohja globale?
-
Lajmet më të fundit të së enjtes në Austri
-
Qeveria austriake ndan edhe këtë vit bonus: Nga 145 -290 euro për secilin qytetar të saj
-
Si po e bën Austria më të lehtë imigrimin e punonjësve të huaj shëndetësorë?