Lajme
Qeveria austriake ndan nga 150 euro për afro 300 mijë persona
Rreth 300 mijë persona në Austri do të marrin mbështetje financiare prej 150 euro nga qeveria austriake. Gjithsej do të investohen 46 milionë euro
Qeveria austriake ka hapur një paketë financiare për të papunët (Arbeitslose) dhe përfituesit e ndihmës për papunësinë, njofton albinfo.at. Gjithsej 300 mijë persona do të marrin një pagesë prej 150 eurosh në shkurt, përveç përfitimeve të papunësisë ose ndihmës urgjente që ata marrin si përfitime mujore. Në total për këtë Ministria e Punës ka vënë në dispozicion 46 milionë euro.
Sipas agjencisë së lajmeve APA, kushdo që ka qenë i regjistruar në Entin e Papunësisë gjatë muajve nëntor dhe dhjetor 2021, ka të drejtë për përfitimin e bonusit. Po ashtu, do të përfitojnë edhe ata persona që ishin më herët të regjistruar në AMS dhe aktualisht për shkak të ndonjë sëmundje marrin si pagesë mbështetje të sëmundjes (Krankengeld). Për ta sqaruar, në rast se jeni i regjistruar në Entin e Papunësisë (AMS) gjatë muajve nëntor dhe dhjetor, atëherë do të përfitoni për secilin muaj nga 150 euro, shkruan albinfo.at.
Disa nga personat tashmë kanë marrë bonusin prej 150 eurosh dhe kësti i dytë do të paguhet në shkurt. Megjithatë, jo të gjithë përfituesit i kanë plotësuar kërkesat, sepse nuk kanë dorëzuar dokumentet e kërkuara.
Kjo pagesë si bonus është mbështetja e tretë financiare e këtij lloji që nga fillimi i pandemisë, të cilën e ndan qeveria austriake. Gjatë muajve shtator dhe dhjetor 2020 ka pasur një shtesë për përfitimi për të papunët prej 450 eurosh.
Për ministrin e Punës, Martin Kocher, kjo pagesë është një kontribut për të kompensuar barrën e shumëfishtë për punëkërkuesit që rezultuan nga bllokimet e shkaktuara nga pandemia. “Në të njëjtën kohë, qëllimi ynë primar mbetet që njerëzit të punësohen shpejt”, thotë Kocher.
E-Diaspora
-
Sot shfaqet në Cyrih filmi “The Land within”, i regjisorit Fisnik Maxville Filmi shfaqet në kuadrin e festivalit të filmit "Kino Kosova" që po mbahet në kinemanë RiffRaff...
-
“Kino Kosova”: Një realitet filmik i shikuar nga perspektiva femërore
-
Krasniqi sonte rikthehet në ring, përballet me boksierin portugez
-
Edi Rama e konfirmon: Më 12 maj jam në Athinë, nisim rrugëtimin e pranverës në diasporë
-
Kalabri - Itali
Gennaro Gattuso flet për rrënjët e tij në Kalabri
Jeta në Austri
-
Çfarë më lejohet të bëj në ballkonin tim në Austri? Gjatë muajve të verës, mund të duket se çdo austriak jeton ekskluzivisht në ballkonet e tij...
-
Një përmbledhje e lajmeve më të fundit në Austri
-
A mund të paguani taksat tuaja austriake duke përdorur një llogari bankare të huaj?
-
Pse Austria renditet kaq keq në indeksin për lirinë e shtypit?
-
Nomadët digjitalë: Kush mund të punojë në distancë në Austri?