Mërgimtari: Po flinim, kishim edhe fëmijë me vete, paprimas u aksidentuam

Flet pasagjeri që ishte në autobusin e aksidentuar në Serbi

Njëri prej pasagjerëve që po udhëtonte me autobusin që u aksidentua në Krushevc të Serbisë, u shpreh se nuk ka të lënduar në gjendje të rëndë, transmeton albinfo.ch.

Ai u shpreh se në momentin kur ndodhi aksidenti, ishin të gjithë në gjumë. Sipas tij, reagimi i organeve të rendit të shtetit serb ka qenë i shpejtë.

“Ka ardhur një autobus tjetër për të na marrë. Të gjithë kemi qenë duke fjetur në atë moment. Mes nesh ka pasur edhe fëmijë dhe një person me aftësi të kufizuara, por të gjithë jemi mobilizuar për t’i ndihmuar njëri-tjetrit dhe të gjithë jemi mirë”, tha udhëtari.

Nga aksidenti raportohet se kanë mbetur të plagosur nëntë persona. /Albinfo.ch

---