Stili unik gjerman vjen në restorantin më të ri në Prishtinë, investim nga mërgimtarët

Pas 30 vjet jetese në Gjermani Burim dhe Lumnie Braina vendosën të kthehen në Kosovë për të investuar në një biznes familjar duke hapur një restauran tejet unik me stil krejtësisht gjerman

Derisa shumë të rinj nga Kosova po shikojnë mundësitë e ikjes jashtë vendit për të punuar, e kundërta po ndodh me Burim dhe Lumnie Brainën.

Pas 30 vjet jetese në Gjermani, ata vemdosën të kthehen në Kosovë për të punuar e jetuar, shkruan Albinfo.ch.

Nga Gjermania ku tërë këto vite ishin të njohur në gastronomi, ata vendosën të sjellin përvojën në Kosovë, ku tashmë kanë hapur një restorant shumë unik.

Përveçse unik, ‘Anabej restaurant &lounge’ siç edhe mund të shihet nga fotot, sjell një stil krejtësisht gjerman në Prishtinë, përcjell tutje Albinfo.ch.

Ky investim në Kosovë pa dyshim është i mirëseardhur për ekonominë vendore, e cila sidomos në kohën e pandemisë është ballafaquar me sfida të mëdha.

---