Erdhi për pushime, mërgimtarit i vidhet Mercedesi

Foto ilustrim

Të shumtë janë mërgimtarët që kanë ardhur për të kaluar festat e fundvitit në vendlindje. Por, realiteti në Kosovë po i përball me disa ngjarje jo të mira, transmeton albinfo.ch.

Hajnat në Ferizaj i kanë shkaktuar dëm rreth 40 mijë euro një mërgimtari, gjatë kësaj jave.

Mes gjësendeve të tjera, policia e Kosovës tregon se atij i vodhën një veturë të tipit Mercedes, në vlerë rreth 40 mijë euro.

Ndërkohë, pronari i shtëpisë thotë se kjo nuk është hera e parë që bëhet cak i vjedhjeve kur nuk ndodhet në shtëpi, andaj dyshon që është i njëjti person.

Policia ka hapur hetimet, megjithatë deri tash nuk ka të dyshuar në lidhje me këtë rast.