“Listat e zeza” të personave që nuk paguajnë primet e sigurimit shëndetësor

(KEYSTONE/Alexandra Wey)

Pas Këshillit të Shteteve, Këshilli Kombëtar votoi për mbajtjen e listave të zeza të atyre që janë në vonesë për primet e tyre të sigurimit të detyrueshëm shëndetësor. Këtyre personave u lejohet trajtimi vetëm në rast urgjence shëndetësore, por jo për ndonjë kujdes tjetër mjekësor, përcjell albinfo.ch.

Aktualisht, vetëm kantonet Aargau, Lucerne, Ticino, Zug dhe Thurgau i përdorin këto lista.

Megjithatë, partitë e majta argumentuan kundër kësaj lëvizjeje, duke thënë se “këto pezullime paraqesin rrezik jo vetëm për individin, por edhe për shëndetin publik. Në rastin e sëmundjeve infektive, aksesi i kufizuar në kujdesin mjekësor mund të çojë në përhapjen e sëmundjeve, gjë që është e papranueshme”.

Léonore Porchet, deputete e Partisë së Gjelbër, theksoi se kufizimi ose ndalimi i aksesit në kujdesin shëndetësor ishte jokushtetues, duke thënë se Zvicra “nuk duhet të penalizojë” jopaguesit, pasi kjo do të rrezikonte një “popullsi të dobët ekonomikisht”.

Numri i njerëzve në Zvicër që nuk paguajnë për primet e tyre vlerësohet në 30,000.