Rritet inflacioni në BE, rritje e madhe e çmimeve të konsumit

@pixabay

Çmimet e konsumit në 19 vendet e BE-së që përdorin monedhën e përbashkët po rriten në nivel rekord.

Agjencia europiane e statistikave, Eurostat, deklaroi të martën se kuota e inflacionit në zonën Euro arriti në 4.9% në nëntor, më e larta që nga nisja e regjistrimit në vitin 1997. Sipas agjencisë, inflacioni në këtë muaj u shkaktua kryesisht nga rritja e lartë e çmimeve të energjisë dhe u rrit nga niveli 4.1% që ishte në tetor.

Muajin e kaluar, inflacioni në Eurozonë arriti në nivelin më të lartë në 13 vjetët e fundit.

Inflacioni në Eurozonë vetëm për energjinë arriti në 23.5% në tetor.

Ministrat e financave të BE-së do t’i përqendrojnë diskutimet e tyre mbi “zgjidhjet e mundshme  politike”, por deri më tani, blloku ua ka lënë në dorë qeverive kombëtare t’i përgjigjen krizës energjetike të këtij dimri.