Netflix rrit përsëri çmimet e abonimeve zvicerane

pixabay

Abonentët e Netflix në Zvicër së shpejti do të paguajnë më shumë për të parë ofertat e tij, transmeton albinfo.ch.

Edhe pse numri i përdoruesve zviceranë është rritur, shërbimi streaming ka vendosur të rrisë listën e çmimeve, me përjashtim të abonimit bazë.

Abonimi standard, në rezolucion HD dhe i përdorshëm në dy pajisje, tani kushton 18,90 franga mujore në vend të 16,90 frangave. Sa i përket abonimit Premium, ai shkon nga 21.90 në 24.90 franga. Rezolucioni HD dhe transmetimi në katër pajisje përfshihen gjithashtu në këtë abonim, transmeton tutje albinfo.ch.

Abonimi bazë në rezolucionin SD, i cili mund të përdoret vetëm në një pajisje, mbetet i njëjtë, me 11.90 franga.

Çmimet e abonimit tashmë ishin rritur në vitin 2019.

“Ne i ndryshojmë çmimet tona herë pas here, në mënyrë që të zgjerojmë dhe përmirësojmë vazhdimisht gamën tonë të serialeve, filmave dhe shfaqjeve, si dhe cilësinë e shërbimit tonë”, tha zëdhënësi i Netflix. /Albinfo.ch