A do të veprojë Zvicra njëjtë si shtetet fqinje lidhur me kufizime të reja

Foto Mentor Bajrami

Austria ka vendosur kufizime për banorët e pavaksinuar dhe pyetja është: A do të bëjë të njëjtën gjë edhe Zvicra?

Disa ngjashmëri mes dy vendeve janë të dukshme. Shkalla e vaksinimit në Austri është 64.4 për qind, vetëm pak më e ulët se ajo e Zvicrës, 64.8 për qind. Gjithashtu, kurba zvicerane e kontaminimit ndjek të njëjtën tendencë si ajo e Austrisë, por me vonesë, transmeton albinfo.ch.

Urs Karrer, nënkryetar i Task Forcës Covid-19, kujtoi se “në muajt e fundit masat këtu nuk kanë qenë aq të rrepta sa në Austri”.

Pra, a do të ndjekë Zvicra shembullin e fqinjit të saj?

Jo domosdoshmërisht, tha Karrer, sepse edhe faktorë të tjerë hyjnë në lojë, transmeton tutje albinfo.ch.

“Sjellja individuale vazhdon të ketë një ndikim të madh në zhvillimin epidemiologjik”, thotë ai.

“Ne kemi mësuar mjaftueshëm në këtë pandemi për të thënë se në një fazë të rritjes eksponenciale, është më efektive të veprosh me largpamësi sesa të reagosh me shpinën pas murit”, shtoi Karrer.

Megjithatë, kryetarja e Task Forcës, Tanja Stalder, tha se Këshilli Federal ka të ngjarë të “mendojë seriozisht një paketë të re masash në javët e ardhshme”.