Fëmijët e prindërve të pavaksinuar nuk mund të shkojnë në çerdhe

Qendra e kujdesit ditor nuk strehon më fëmijët e prindërve të pavaksinuar

Në kantonin Solothurn një çerdhe ka ndërmarrë një hap drastik për të mbrojtur fëmijët e çerdhës së saj, transmeton albinfo.ch.

Barbara Banga, drejtoreshë e qendrës në qytetin Grenchen, prezantoi të ashtuquajturin rregull 2G për prindërit e të vegjëlve që po kujdesen në çerdhën e saj. Kjo do të thotë që nëse prindërit nuk janë vaksinuar ose shëruar nga Covid, fëmijët e tyre nuk mund të shkojnë në çerdhe.

Banga tha se ajo po e prezanton këtë masë, sepse prindërit e pambrojtur mund ta transmetojnë virusin te fëmijët e tyre, të cilët më pas mund të infektojnë të tjerët në objekt.

Burri i Bangas, Boris, është një ish-kryetar i Bashkisë së Grenchen dhe ish-këshilltar kombëtar. Ai është gjithashtu një avokat dhe tha se vendimi i gruas së tij është krejtësisht i ligjshëm. Kopshti është privat dhe për këtë arsye mund të vendosë rregullat e veta. /Albinfo.ch

---