Lajme

Austria sërish me shifra rekord infeksionesh

Në 24-orë janë shënuar 11.975 infektime të reja,

E enjte, 11 Nëntor 2021 - 9:00 albinfo.ch
domeckopol andreas N

Autoritetet shëndetësore austriake kanë bërë të ditur se në raportin e fundit 24-orësh janë shënuar 11.975 infektime të reja, transmeton albinfo.at.

Numri i përgjithshëm që nga fillimi i pandemisë e deri më tani, ka arritur në 923,150 infektime me koronavirus në këtë shtet.

Rastet aktive, ende vazhdojnë të jenë të larta, 92,684 pacientë janë aktiv për momentin në këtë shtet.

Ndërkohë, numri i shërimeve, gjatë 24 orëve të fundit ka arritur në +4,878.

Referuar të dhënave të Ministrisë së Brendshme dhe Shëndetësisë. Në një përpjekje për të kontrolluar përhapjen e sëmundjes, vendi ka rivendosur kontrollet që kufizojnë hyrjen në vendet e punës për ata që janë vaksinuar ose shëruar nga virusi.

Gjithashtu, mund të shkojnë në punë të gjithë ata që do të rezultojnë negativ pas testit. Por, rregullat më të ashpra hynë në fuqi të hënën, që do të thotë se vende si sallonet e parukerive dhe baret janë të hapura vetëm për ata që janë vaksinuar ose mund të vërtetojnë se janë shëruar.

Qëllimi është që këto masa të kufizojnë transmetimin e virusit, por edhe të bindin më shumë njerëzit që të vaksinohen. Për momentin, vetëm rreth 65 për qind e popullsisë është vaksinuar plotësisht.

 Të ngjashme

Përfiton pa të drejtë 10.000 euro nga “sociali”: 15 muaj burg me kusht për kosovarin

 Të tjera nga Lajme

Vjena rrit ndihmën për të pastrehët gjatë stuhisë dimërore

 E-Diaspora

 Jeta në Austri