Zvicër: Nis regjistrimi për vaksinat e treta Covid

Keystone

Ndërsa një numër kantonesh po hapin platformat e tyre të regjistrimit në internet për vaksinat përforcuese të Covid-it, autoritetet shëndetësore po kujtojnë se këto injeksione janë të disponueshme vetëm për grupe të zgjedhura dhe jo për publikun në përgjithësi, transmeton albinfo.ch.

Zyra Federale e Shëndetit Publik (BAG) dhe Komisioni Federal për Vaksinimet kanë përcaktuar tri grupe njerëzish që kualifikohen për një vaksinë të tretë Covid: të moshuarit 65 vjeç e lart; të gjithë banorët e shtëpive të kujdesit të të moshuarve, përfshirë ata nën 65 vjeç; dhe të gjithë “personat veçanërisht vulnerabël” që vuajnë nga sëmundje të rënda kronike, nga mosha 16 deri në 64 vjeç.

Të gjithë të tjerët nuk kanë nevojë për përforcuesin, thonë autoritetet shëndetësore, sepse vaksinat me dy doza Pfizer dhe Moderna mbrojnë mjaft mirë nga rastet e rënda të koronavirusit. /Albinfo.ch