Zvicër: Vetëm 6 për qind e të pavaksinuarve duan të vaksinohen

Një pjesë e qëndrueshme e popullsisë vazhdon të ketë qëndrim të dukshëm kundërshtuese ndaj vaksinimit kundër Covid 19

Jemi në mes të vjeshtës së dytë me koronavirus. Me uljen e temperaturave, numri i rasteve rritet vazhdimisht. Pavarësisht përparimit në vaksinim dhe relaksimit ekonomik, në Zvicër po rritet polarizimi social.

Sipas sondazhit më të ri të SRG-së, frika nga konfliktet, përfshirë ato private, është aktualisht prioriteti kryesor në mesin e popullatës, shkruan watson.ch.

Vetëm pak nga të pavaksinuarit duan të vaksinohen

Një pjesë e qëndrueshme e popullsisë vazhdon të ketë qëndrim të dukshëm kundërshtuese sa i përket vaksinimit kundër Covid 19, transmeton albinfo.ch. Kjo sepse vetëm rreth 6 për qind ose rreth një e katërta e atyre që nuk janë vaksinuar ende e konsiderojnë vaksinimin si një mundësi.

Pothuajse gjysma e tyre e kanë këtë qëndrim jo për shkak të bindjes se vaksinimi është i dobishëm por për faktin se jeta e përditshme po rezulton shumë e vështirë për ata që nuk kanë certifikatë vaksinimi.

Interes i madh për vaksinimin përforcues
Sondazhi ka konstatuar se në popullatën zvicerane ekziston një interes i madh për vaksinimin e tretë kundër koronës, të ashtuquajturin vaksinim përforcues. 48 për qind e popullsisë janë qartësisht të interesuar për vaksinimin përforcues ndërsa 10 për qind të tjerë janë më shumë pro se kundër. Këtu përfshihen edhe shumë të rinj.

---