Lajme
Kush janë 10 njerëzit më të pasur të planetit
10 njerëzit më të pasur të planetit kanë një pasuri neto që shkon në 1,4 trilionë dollarë, e barabartë me Prodhimin e Brendshëm Bruto të Australisë.
Kush janë këta individë super të pasur dhe cili është burimi i pasurisë së tyre?
Një listë e përpiluar nga Visual Capitalist, tregon se Elon Musk është aktualisht njeriu më i pasur në gjithë botën, me një pasuri që shkon në 198 miliardë dollarë.
Ky fakt konfirmon më së miri performancën e shkëlqyer të ‘Teslas’ gjatë viteve të fundit. Me gjithë skepticizmin e disave, vlera e kompanisë së Musk ka ardhur në rritje.
Me një kapital aktual tregu prej 768 miliardë dollarësh, ‘Tesla’ vlen më shumë se gjashtë prodhuesit më të mëdhenj të makinave së bashku.
Musk i rrëmbeu kreun e klasifikimit Jeff Bezosit, i cili vetëm disa muaj më parë mbante titullin e njeriut më të pasur në botë. Ai renditet i dyti, por nuk është çudi që shumë shpejt të mund të rifitojë pozicionin që kishte, duke qenë se se është ‘kokë më kokë’ me Musk në shifra.
Në vendin e tretë të listës renditet Bernard Arnault, kreu i kompanisë luksoze ‘Louis Vuitton Mowt Hennessy’ (LVMH), që zotëron ‘Louis Vuitton’, ‘Dior’, ‘Fendi’, ‘Loro Piana’ dhe ‘Bulgari’. Ai është njeriu më i pasur në Europë dhe për një periudhë të shkurtër, në muajin maj, mbajti edhe titullin e njeriut më të pasur në botë.
Më tej renditja vijon me Bill Gates, Mark Zuckerberg, Larry Page, Sergey Brin, Steve Ballmer, Larry Ellison dhe Warren Buffett.
Teksa sheh klasifikimin, dy gjëra janë të dukshme:
Pjesa më e madhe e miliarderëve i përkasin industrisë së teknologjisë, përveç Bernard Arnault dhe Warren Buffett. Të gjithë ndodhen në Amerikë, përveç Arnault.
Duke pasur parasysh faktin që industria e teknologjisë ka vetëm prirje të rritet, ka gjasa që miliarderët amerikanë të vijojë mbretërimin edhe në të ardhmen./Euronews
E-Diaspora
-
Detaje nga rasti kur një shtetas nga Kosova vrau pronarin e biznesit në Dyseldorf Një vrasje me armë zjarri është regjistruar dje në qytetin e Dyseldorfit në Gjermani. Mësohet se...
-
Arnold “The Cobra” Gjergjaj triumfon në luftën e fundit
-
Nju-Jork: Baleti Kombëtar i Kosovës me dy shfaqje
-
Belgjikë: Kori “Siparantum” do të dhuroj paraqitje dinjitoze
-
Çikago: Pianistja Anila Aliu, me koncert recital
Jeta në Austri
-
Gjithçka që ndryshon në Austri nga muaji maj Nga grevat dhe protestat, deri te festat publike (që janë shumë), këtu janë gjërat që do...
-
Katër liqene të bukura, tek të cilat mund të shkoni lehtësisht nga Vjena me transport publik
-
Sa vite duhet të punoni në Austri që të keni të drejtën e pensionit?
-
Austrian Airlines arrin marrëveshje pagash me punëtorët për të shmangur grevat e reja
-
Katër gjëra që duhet të dini para se të regjistroni fëmijën tuaj në një kopsht fëmijësh në Vjenë