Refuzuan marrjen e vaksinës, tri roja zvicerane largohen nga Vatikani

Etienne Girardet

Mediat zvicerane kanë shkruar se tri rojat zvicerane duhet të largohen nga Vatikani, për shkak se kategorikisht ishin kundër vaksinimit, përcjell albinfo.ch.

Thuhet se ata nuk donin të ndiqnin detyrimin e vaksinimit kundër Covid në fuqi, në njësinë e armatosur për të mbrojtur Papën.

Kjo është raportuar nga “Le Matin Dimanche”. Zëdhënësi i Gardës konfirmoi lajmin, duke specifikuar se braktisjet u bënë “në baza vullnetare”.

I njëjti zëdhënës shtoi se tre rekrutë të tjerë të pavaksinuar tani janë pezulluar nga shërbimi, derisa të përfundojë cikli i vaksinimit. Kjo masë është në përputhje “me ato të miratuara nga forcat e tjera të armatosura në botë”. /Albinfo.ch