Premiera botërore e filmit “The Albanian Virgin”, nga aktori shqiptar në Gjermani

Kasem Hoxha, histori suksesi i një artisti shqiptar në Gjermani

Aktori Kasem Hoxha numëron mbi 50 role filmash televizivë dhe kinemaje në ekranet gjermane dhe shqiptare, transmeton albinfo.ch.

Falë talentit dhe përkushtimit të tij në role, dikur të planit të dytë, e më pas në ato kryesorë, falë një disipline pune mjaft intensive, Kasemi tashmë ka krijuar një besim të madh te regjisorët e njohur, të cilët ia kanë rritur pozicionin aktorit në ekranet e kinemasë dhe atë televizivë.

Artisti shqiptar jeton prej 30 vjetësh në Gjermani. Ai së fundmi ka bërë të ditur se po feston premierën botërore filmi “The Albanian Virgin”, i cili merr pjesë edhe në konkurrimin zyrtar GRAND PRIX të festivalit Warsaw International Film 37!

Kujtojmë se tre vjet më parë në këtë festival ka pasur një sukses shumë të madh edhe filmi „DELEGACIONI“, duke fituar një prej çmimeve më të mëdha të festivalit. /Albinfo.ch

 

---