Lajme
Bie vlera e Euro-s
Në tregjet botërore, vlera e dollarit kundrejt një shporte të monedhave mbeti praktikisht e pandryshuar javën e kaluar, pas katër javësh rritjeje, me euron që ra në nivelin më të ulët në 14 muaj.
Indeksi i dollarit, i cili tregon lëvizjen e valutës amerikane kundrejt gjashtë monedhave të tjera më të rëndësishme botërore, u dobësua 0.05 përqind javën e kaluar, në 94.02 pikë.
Në të njëjtën kohë, kursi i këmbimit të dollarit kundrejt monedhës japoneze u rrit me gati 1 përqind, në 112.20 jen.
Monedha amerikane gjithashtu u forcua kundrejt monedhës evropiane, me 0.2 përqind, ashtu që çmimi i euros ra në 1.1570 dollarë, jo shumë larg nivelit më të ulët që nga korriku i vitit të kaluar.
Mbështetja për dollarin, të cilin investitorët e shohin si strehë të sigurt për kapitalin në kohë të pasigurt, është nxitur gjatë gjithë javës nga paralajmërimi i tregjeve të kapitalit mbi një rritje të mprehtë të çmimeve të energjisë, e cila mund të ngadalësojë rimëkëmbjen e ekonomisë globale.
Kërcimi i çmimeve të naftës dhe gazit ka forcuar frikën e përshpejtimit të inflacionit, duke rritur yield-et e bonove qeveritare pasi investitorët besojnë se bankat qendrore do të detyrohen t’i rrisin normat e interesit për ta frenuar rritjen e çmimeve.
Rendimentet në bonot 10-vjeçare të qeverisë amerikane gjithashtu arritën në 1.6010 përqind, niveli më i lartë që nga fillimi i qershorit.
Rezerva Federale e Shteteve të Bashkuara ka njoftuar se ka të ngjarë të fillojë t’i zvogëlojë blerjet mujore të bonove qysh në nëntor, e cila mund të pasohet nga një rritje e normave të interesit vitin e ardhshëm.
E-Diaspora
-
Filmi “The Land within”, lufta në Kosovë, e vështruar nga një kënd tjetër Në "Kino Kosova" është shfaqur edhe filmi "The Land within", i regjisorit shqiptaro-zviceran Fisnik Maxville (Maxhuni),...
-
Robin Krasniqi fiton me pikë ndaj portugezit Jorge Silva
-
Sot shfaqet në Cyrih filmi “The Land within”, i regjisorit Fisnik Maxville
-
“Kino Kosova”: Një realitet filmik i shikuar nga perspektiva femërore
-
Krasniqi sonte rikthehet në ring, përballet me boksierin portugez
Jeta në Austri
-
Cila është vaksina e rriqrave në Austri dhe a duhet ta merrni atë? Me rritjen e temperaturave dhe fillimin e sezonit të rriqrave, cila është vaksina e Austrisë ndaj...
-
Si të mos ‘përplaseni’ nga një tren austriak i mbipopulluar?
-
Çfarë më lejohet të bëj në ballkonin tim në Austri?
-
Një përmbledhje e lajmeve më të fundit në Austri
-
A mund të paguani taksat tuaja austriake duke përdorur një llogari bankare të huaj?