Zvicër: Deputetët lejohen në parlament, me maskë në vend të certifikatës

Fakti që Bundeshaus-i (Pallati Federal) - ndryshe nga fushat e tjera të jetës - nuk duhet t'i nënshtrohet detyrimit për certifikatë ka shkaktuar debat publik

Pas Dhomës së Kantoneve të hënën, edhe Dhoma Nacionale sot ka miratuar gjithashtu mocionin që parashikon detyrimin për certifikatë Covid, për ata që hyjnë në ndërtesën e parlamentit, shkruan srf.ch

Por, Dhoma e Kantoneve (Senati) kishte futur në lojë përjashtimin sipas të cilit, ata që nuk mund të tregojnë certifikatën Covid duhet të lejohen të hyjnë në ndërtesën e parlamentit. Mjafton të kenë maskën.

Një pakicë në Dhomën Nacionale ka kërkuar pa sukses që ky përjashtim të fshihej. Kështu, kjo dhomë ka miratuar përjashtimin në fjalë, me 145 vota pro dhe 41 kundër.

Fakti që Bundeshaus-i (Pallati Federal) – ndryshe nga fushat e tjera të jetës – nuk duhet t’i nënshtrohet detyrimit për certifikatë ka shkaktuar debat publik në Zvicër.

Të dy dhomat ende nuk kanë votuar për klauzolën e urgjencës. Nëse propozimi pranohet në votimin përfundimtar të premten, atëherë ai mund të hyjë në fuqi menjëherë.

Kjo gjithashtu do të heqë xhamat e pleksiglasit në dhomat e Parlamentit dhe po ashtu do të heqë edhe detyrimin për maskë.

---