Vjenë: Arbërie Nagavci, në Konferencën globale për të drejtat e njeriut

Konferenca globale për të drejtat e njeriut për arsim cilësor bëri bashkë në Vjenë ministra, ambasadorë, rektorë, akademikë, ekspertë e studentë nga shtete të ndryshme të botës, transmeton albinfo.ch.

Arbërie Nagavci, ministre e Arsimit, ishte e pranishme në konferencën globale për të drejtat e njeriut.

“Kënaqësi dhe përgjegjësi për mua ta përfaqësoj Ministrinë e Arsimit, Shkencës, Teknologjisë dhe Inovacionit, të shkëmbej ide për sistemin arsimor gjithëpërfshirës në të gjitha nivelet, me përfaqësues të rëndësishëm nga Austria dhe më gjerë”.

“Arsimim optimal për të gjithë individët, pavarësisht nga gjinia, statusi shoqëror, prejardhja racore, etnike dhe kulturore është e drejtë e garantuar. Si ministri e Qeveri, qëndrojmë dhe përtej saj, për arsim cilësor në perspektivën e të drejtave të njeriut”, shkruan Nagavci në rrjetet sociale.