Zvicër: Numrat e rasteve po ulen për shkak se ka më pak pushues që kthehen

Samia Hurst, nënkryetare e Task Forcës Kombëtare të Shkencës Covid-19: "Pranimet në spital të njerëzve të infektuar gjatë pushimeve janë ulur"

Një zhvillim pozitiv që po vërehet këto dy javët e fundit në Zvicër është rënia e numrit të infeksioneve me Covid-19.

Si në raportimet me baza ditore nga Zyra Federale e Shëndetit Publik (BAG) ashtu dhe në raportiumet e mediave ulja e numrave është një lëvizje që nuk mbetet pa u vënë re.

Kështu ishte edhe në konferencën e sotme për shtyp që u mbajt në Bernë nga specialistët e fushës .

Samia Hurst, nënkryetare e Task Forcës Kombëtare të Shkencës Covid-19, pati këtë shpjegim rreth këtij zhvillimi: “Numri i rasteve, i cili ka rënë gjatë javës së fundit, mund t’u atribuohet dy arsyeve, transmeton albinfo.ch.

Nga njëra anë, pranimet në spital të njerëzve të infektuar gjatë pushimeve janë ulur. Nga ana tjetër, numri i njerëzve të infektuar në Zvicër mbeti i njëjtë”, pra, nuk është rritur.

Numri i rasteve ndoshta do të rritet përsëri në vjeshtë, ka theksuar Hurst.

“Por mbrojtja nga vaksinimi mbetet e lartë edhe në sa i përket variantit delta. 9 nga 10 shtrimet në spital mund të parandalohen me një mbrojtje të plotë, përmes vaksinimit”, ka thënë ajo

---