Nga pilot në drejtues trenash, zviceranët tregojnë përvojën e re

caption @pixabay

Pandemia e koronavirusit ka pasur një efekt katastrofik në industrinë ajrore me mijëra aeroplanë të bllokuar në të gjithë botën.

Shumë pilotë janë detyruar të largohen nga puna dhe duhet të shikojnë mundësi të tjera, si drejtimin e trenave. Në Zvicër, kjo ide është në tryezë për muaj të tërë. 

Carlos Spruengli është një nga pilotët e parë që së shpejti do të vendoset në shina. “Është si në një marrëdhënie nëse pala tjetër nuk dëshiron asgjë nga ju, atëherë ju duhet të gëlltisni krenarinë tuaj dhe të vazhdoni më tej”. 

Shoqata e pilotëve zviceranë, Aeropers, po mbështet anëtarët që dëshirojnë të ndryshojnë profesion pasi në Zvicër ka mungesë të shoferëve të trenave, dhe profesionet janë të ngjashme.  

Sipas organizatës, kjo mund të krijojë një precedent, shkruan Scan, përcjell albinfo.ch. 

“Për ne, është e natyrshme të punojmë me kompani në këtë lloj projekti,” tha zëdhënësi i Aeropers Thomas Steffen. “Shpresojmë se kjo mund të frymëzojë vendet e tjera në Evropë”. 

Duke pasur parasysh gjatësinë e mundshme të pandemisë dhe numrin e avionëve të parkuar në aeroporte, është e sigurt që pilotët në vendet e tjera do të duhet të marrin në konsideratë opsionet e tyre.  

Ata mund të kenë ëndërruar të fluturojnë, por alternativat mund të jenë shumë më tepër në tokë.