Zvicër: Infeksionet me Covid te fëmijët janë në rritje

Keystone (AP Photo/Visar Kryeziu)

Numri i rasteve të koronavirusit në mesin e nxënësve është rritur pas kthimit nga pushimet verore.

Kjo është veçanërisht e vërtetë në kantonet zvicerane-gjermane, ku shkolla rifilloi më herët sesa në rajonin frëngjishtfolës.

Në Cyrih, për shembull, 855 fëmijë të moshës 4 deri në 15 vjeç janë vendosur në karantinë që nga fillimi i vitit shkollor në mes të gushtit, shkruajnë mediat zvicerane, përcjell albinfo.ch.

Sidoqoftë, Rudolf Hauri, president i Shoqatës së mjekëve kantonalë, tha se numri i vërtetë i rasteve ka të ngjarë të jetë më i lartë, sepse jo të gjitha shkollat kryejnë teste të rregullta.

Ai theksoi se testimi serik është një masë e rëndësishme kundër përhapjes së virusit, pasi lejon zbulimin e shpejtë të rasteve. Dhe ai rekomandon vaksinimin për fëmijët dhe adoleshentët mbi 12 vjeç.