BAG raporton 2,835 raste të reja dhe 9 të vdekur nga Covid-19

(KEYSTONE/Christian Beutler)

Zyra Federale e Shëndetit Publik raporton 2835 raste të reja që kanë rezultuar pozitive me koronavirusin në 24 orët e fundit.
Mesatarja 7-ditore është aktualisht 2675 ose 5 për qind më shumë se në javën e kaluar, njofton srf.ch.

Me trendin aktual, mesatarja 7-ditore e infeksioneve të reja dyfishohet afërsisht çdo 109 ditë, transmeton albinfo.ch. Incidenca 14-ditore është aktualisht 402.44.

BAG raporton 80 shtrime të reja në spitale, mesatarja 14-ditore është 53 shtrime në ditë. Kjo është 21 për qind më pak në krahasim me javën e kaluar. 829 persona aktualisht janë duke u trajtuar në spitale për Covid-19 që është 4 përqind më pak se në javën e kaluar.

Aktualisht janë 291 pacientë me Covid 19 në repartet e kujdesit intensiv të spitaleve. Kjo është 7 përqind më shumë në krahasim me javën e kaluar.

BAG raporton 9 raste të reja të vdekjes ndërsa mesatarja 7-ditore është 6 të vdekur në ditë që është 13 për qind më shumë se në javën e kaluar.

Norma mesatare pozitive 7-ditore aktualisht është 9.8 përqind, përcjell albinfo.ch.  Kjo do të thotë që nga 100 teste, rreth 10 teste ishin pozitive mesatarisht.

Krahasuar me javën e kaluar, norma pozitive ka rënë me 1 pikë përqindje.

Numri i testeve të kryera në një mesatare prej 7 ditësh është 31,844 teste në ditë dhe kështu është rritur për 18 për qind në krahasim me javën e kaluar.